Elbasy Nursultan Nazarbaevtyń Qazaqstan halqyna joldaǵan «Tórtinshi ónerkásiptik revolıýsııa jaǵdaıyndaǵy damýdyń jańa múmkindikte-ri» atty joldaýy mazmunynyń 80 paıyzy Qazaqstandy sıfrlandyrý máselesine arnalǵan. Soǵan oraı Qostanaı oblysynda 68 joba júzege asatyn bolady. Olardyń basym kópshiligi aýyl sharýashylyǵy salasynda atqarylady.
«Aýyl sharýashylyǵyndaǵy «aqyldy tehnologııalardyń » barlyǵy da aldymen eńbek ónimdiligin qamtamasyz etedi. Sıfrly tehnologııalardy engizýdiń arqasynda kóktemgi dala jumystaryna ketetin shyǵyn 15-20 paıyz qysqarady, ónimniń ózindik quny 10-15 paıyzǵa tómendeıdi» dedi oblys ákiminiń orynbasary Meıirjan Myrzalıev.
Keńeıtilgen májiliske qatysqan Aýy sharýashylyǵy mınıstriniń orynbasary Arman Evnıev mundaı sıfrlandyrý tehnologııalar týraly amerıkalyq fermerler tájirıbesinen aıtyp berdi. Olar bul jóninde óte kóp alǵa ketken.
Qostanaı oblysynyń aýyl sharýashylyǵy salasyn sıfrlandyrýǵa bıýdjetten 110 mıllıon teńge bólindi. Sonymen qatar mundaı ozyq tehnologııa bilim berý, densaýlyq saqtaý jáne kommýnaldyq sharýashylyq salalaryna da engiziletin bolady. Bul jóninde naqty jumystar jospary jasaldy. Mysaly oblysta IT tehnologııa mamandaryn daıyndaý qarastyrylady, sonymen qatar osy baǵytta daryndy balalarǵa arnalǵan «Ozat» mektep-ınternaty bazasynda arnaıy mektep ashylatyn bolady.
Názıra Járimbet,
«Egemen Qazaqstan»
Qostanaı
